Ish-sulmuesi i Manchester United, Anthony Martial, pritet t’u nënshtrohet vizitave mjekësore përpara se të kompletojë një transferim te skuadra meksikane Monterrey.
Martial, 29 vjeç, zhvilloi 317 ndeshje dhe shënoi 90 gola gjatë nëntë vjetëve të tij në Old Trafford.
Ai u largua nga United kur kontrata i skadoi në vitin 2024 dhe më pas u bashkua me skuadrën greke AEK Athens.
Martial shënoi shtatë gola në 19 paraqitje në kampionat për AEK-un, por për shkak të pagës së lartë klubi nuk po e pengon kalimin në Liga MX, edhe pse ai ka ende dy vjet kontratë.
Nëse e finalizon transferimin, Martial do të ribashkohet me legjendën e Spanjës dhe ish-mbrojtësin e Real Madridit, Sergio Ramos, i cili iu bashkua klubit në shkurt.
Monterrey aktualisht kryeson Liga MX me 18 pikë nga shtatë ndeshje.
Martial u bë futbollisti adoleshent më i shtrenjtë në botë kur United pagoi 60 milionë euro për ta transferuar nga Monaco në vitin 2015.
●●●
LSHKRIMI NGA
L
Editorial nga Klan Kosova — ndjek sport dhe zhvillimet e tjera kryesore të vendit.
