Marshi për UÇK-në, Dërguti: Gjykatës iu dha mesazh që të mos thirret në emër të popullit (VIDEO)

Opinionistja Aida Dërguti, e ftuar në emisionin Rubikon në Klan Kosova, komentoi zhvillimet e fundit në Kosovë, festën e Pavarësisë dhe protestën ndaj procesit gjyqësor për katërshen e UÇK-së. Ajo theksoi se, sot, qytetarët demonstruan vullnetin e tyre duke dërguar një mesazh të qartë për gjykatën: të mos thirret më në emër të popullit. Dërguti shpjegoi se në vitet e para të procesit, kur liderët e shoqatës ishin në burg, kishte një hezitim për të reaguar, duke menduar se reagimet publike mund të kishin një ndikim negativ në zhvillimin e proceseve gjyqësore. “Në vitet e para, kur edhe krerët e Shoqatës ishin në burg, ka pas hezitim duke menduar që me ragimet e shumta, mund të ndikojnë negativisht në procesin, gjë që doli të jetë e pasaktë. Sepse sa më pak rezistencë, trysnia në gjykatë ka qenë më e madhe”. “Kemi rastin të cilin është dënuar, Cali, pa prova dhe është vendosur një precedent, që secilin qytetar e bën të mendoj, se kjo gjykatë mund ta dënojë dikë edhe në mungesë të provave”, tha Dërguti. Ndiqeni videon për më shumë: https://www.youtube.com/watch?v=04czXNkX8XY