Manovroi me thikë para nxënësve në klasë, çka thonë nga drejtoria e shkollës për rastin

Për manovrimet me thikë që i bëri para maturantëve brenda klasës së Shkollës së Mesme të Lartë “Ukshin Hoti” në Krushë të Madhe, mësimdhënësi Kujtim Gashi u intervistua sot në stacionin policor në Rahovec. Lidhur me këtë rast për Klankosova.tv ka folur drejtori i shkollës, Mahmut Duraku. Për ngjarjen që kishte ndodhur më 2 prill të këtij viti, Duraku tha se është njoftuar tek mbrëmë. Në një prononcim për redaksinë, drejtori i shkollës deklaroi se menjëherë pasi e ka kuptuar situatën, sot ka marrë masa ndaj profesorit në fjalë, duke i dhënë vërejtjen e fundit. E i njëjti tha se kjo nuk është hera e parë që profesori përballet me masa disiplinore. Sipas tij, profesori edhe më herët kishte marrë një vërejtje me shkrim, por që rasti nuk kishte qenë i ndërlidhur me institucionin shkollor. Ndërkohë, lidhur me rastin e ekspozimit të thikës në klasë, Klan Kosova ka realizuar edhe kronikë. Ndiqeni në vijim: https://klankosova.tv/ngjarja-e-pazakonshme-gjuhetari-ligjeron-mbrojtjen-nga-thika-video/ https://klankosova.tv/intervistohet-nga-policia-arsimtari-qe-ekspozoi-thiken-ne-klase-12/