Man Utd synon transferimin e yllit të Interit

Manchester United po përgatitet të bëjë një ofertë për mbrojtësin e majtë italian Federico Dimarco gjatë afatit kalimtar të dimrit. Sipas mediave spanjolle, trajneri Ruben Amorim e sheh lojtarin e Interit si përforcim kyç për mbrojtjen e tij, pas një fillimi jo të mirë të sezonit në Premier League. Dimarco, i cili ka shënuar 19 gola dhe ka dhënë 35 asistime në 195 paraqitje, konsiderohet si një nga mbrojtësit e majtë më produktivë në Evropë. Interi është i hapur për bisedime, pasi kontrata e lojtarit skadon në vitin 2027 dhe trajneri Christian Chivu duket se preferon lojtarin Carlos Augusto në formacionin bazë, transmeton Klankosova.tv. Në rast se marrëveshja finalizohet në janar, Dimarco do të sillte përvojë dhe cilësi të menjëhershme në krahun e majtë të mbrojtjes së “Djajve të Kuq”, duke vënë në pikëpyetje të ardhmen e Luke Shaw në “Old Trafford”. Ky transferim do të ishte një nga lëvizjet më të bujshme të merkatos së dimrit.