Malishevë, 44 persona të prekur me koronavirus, shtatë të shëruar - Ndihmohen 900 familje në nevojë

Komiteti Komunal për Mbrojtje dhe Shpëtim në Malishevë, mbajti mbledhjen e tretë. Ky komitet i udhëhequr nga kryetari Ragip Begaj, njoftoi se në këtë komunë janë paraqitur 44 raste me koronavirus, kurse shtatë persona janë shëruar. "Po ashtu ju jam mirënjohës shumë donatorëve si ndërkombëtar dhe atyre vendor, që brenda këtyre javëve sa Malisheva është në karantinë, është ndihmuar me mjete higjeniko - sanitare, QKMF-ja dhe materiale tjera të duhura për ta përballuar sa më lehtë pandeminë me COVID- 19. Edhe Zona Park, ka bërë dezinfektimin e Institucioneve publike dhe 10 shtëpive me të prekurve nga COVID- 19 , po ashtu janë ndihmuar deri tash 900 familje me artikuj ushqimor dhe higjenik, por kërkoi që qytetarët t’i respektojnë në plotëni masat që janë në fuqi nga qeveria e vendit. E nga Qeveria e Republikës së Kosovës, kërkoi më shumë përqendrim, pasi jemi komuna më e prekur nga koronaviruesi në mbarë vendin tonë"- njofton Komuna e Malishevës përcjell Klan Kosova. "Edhe përfaqësuesit e pranishëm të komitetit, raportuan dhe theksuan se gjendja është nën kontroll, brenda territorit të komunës, por kërkuan bashkërendim të aktiviteteve dhe  respektim të plotë të masave si dhe të mos ketë lëvizje të grupeve të mëdha njerëzish".