Malishevasit i gjenden në shtëpi 30 kilogramë kanabis

Policia e Kosovës e ka arrestuar një person në një fshat të Malishevës, pasi të njëjtit i janë gjetur në shtëpi 30 kilogramë kanabis. Policia ka siguruar urdhër për kontroll nga organet e drejtësisë, me ç’rast është kontrolluar shtëpia e të dyshuarit në një fshat të Malishevës, njofton Klan Kosova. “Gjatë kontrollit, policia në shtëpinë e të dyshuarit: A.K., (viti i lindjes 1991, mashkull kosovar), ka gjetur dhe konfiskuar tri çanta në të cilat kishte 28 paketime me substancë që dyshohet të jetë marihuanë. Pesha e përgjithshme e kësaj lënde është 30 kg e 330 gramë”. “Policia ka intervistuar të dyshuarin dhe ndaj tij ka iniciuar rastin ‘blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”. Me aktvendim nga prokurori, i dyshuari është dërguar në mbajtje për 48 orë.

klankosova.tv