Makasqi: Kemi një vendim që ka sjellur drejtësi në rastin e Liridona Ademaj (VIDEO)

Drita Makasqi e ftuar në emisionin "Kosova Today" në Klan Kosova ka komentuar vendimin e gjykimit ndaj Naim Murselit, Granit Plavës dhe Kushtrim Kokallës në rastin e vrasjes së Liridona Ademajt. Makasqi tha se drejtësia për Liridona Ademaj është vendosur me gjykimin me burgim të përjetshëm ndaj Naim Murselit dhe Granit Plavës, raporton KlanKosova.tv. "Sot kemi një vendim, që në fakt është marrë dje. Mirëpo sot mund të themi që kemi një vendim që ka sjellur drejtësi në rastin e Liridona Ademaj, por nuk mundemi ta kthejmë atë në jetë. Ky krim ka qenë krim i organizuar, i menduar mirë, i ftohtë. Dënimi me burgim të përjetshëm për Naim Murselin dhe të tjerët ka qenë i domosdoshëm, por kjo nuk mjafton. Dështimi si shoqëri nuk është vetëm te krimi, por momenti kur nuk e ndalim atë me kohë, andaj sot përveç drejtësisë, kemi detyrim e gjithë shoqëria të mos lejojmë që raste të tilla të përsëriten, të mos e normalizojmë dhunën dhe të mundohemi ta parandalojmë atë me kohë sepse femicidi është kulmi kur dhuna ka qenë e përsëritur dhe ka ardhur deri ai fund. Të mundohemi si shoqëri t'i parandalojmë rastet e dhunës dhe të mos lejojmë që këto mosmarrëveshje të na çojnë deri te një fund tragjik", tha Makasqi./KlanKosova.tv. https://www.youtube.com/watch?v=Vw-cmf7O8Ng