Lajmet e fundit
Para ceremonisë së rihapjes së Katedrales Notre-Dame, presidenti francez Emmanuel Macron zhvilloi një takim trilateral me presidentin ukrainas Volodymyr Zelensky dhe presidentin e zgjedhur të SHBA-së, Donald Trump, në Paris.
Kjo një ditë që përziu madhështinë e ceremonisë me vëmendjen ndaj problemeve të rëndësishme globale.
Ky takim trilateral i zhvilluar të shtunën erdhi pak pas një takimi dypalësh mes Trumpit dhe Macronit në Pallatin Elysee, raporton France24.com, transmeton Klankosova.tv.
Të dy liderët e përshëndetën njëri-tjetrin me përqafime dhe shtrëngime duarsh disa herë në shkallët e Pallatit presidencial francez, ku Trumpi mori një nderim të plotë ushtarak.
“Duket sikur bota po çmendet pak tani dhe ne do të flasim për këtë”, u tha Trumpi gazetarëve ndërsa përgatitej të ulej për bisedime me Macronin.
Vizita e Trumpit në Francë ishte pjesë e një feste globale për rinisjen e Katedrales Notre-Dame pas pesë vitesh nga një zjarr shkatërrues.
Ndërkohë, Macroni dhe liderë të tjerë evropianë po përpiqen të fitojnë favorin e Trumpit dhe ta bindin atë të vazhdojë mbështetjen për Ukrainën në mbrojtje kundër pushtimit rus.
Pavarësisht tensioneve mes të dyve gjatë mandatit të parë të Trump, ai lavdëroi marrëdhëniet me Macron, duke thënë: "Kemi pasur një marrëdhënie të shkëlqyer, siç e di çdo njeri. Ne arritëm shumë".
Kur Trumpi mbërriti në rezidencën e presidentit francez, Macroni bëri përpjekje për të projektuar një imazh të marrëdhënieve të ngushta, duke pozuar për disa përshëndetje me dorë dhe përqafime.
Trumpi e cilësoi këtë një "nder të madh" dhe foli për "marrëdhënien e shkëlqyer" që ata kanë.
Një tapet i kuq i madh u shtrua po ashtu, ashtu siç bëhet zakonisht për mirëseardhjen e presidenteve të ShBA-së.
Macron i tha Trumpit: "Është një nder i madh për popullin francez që t'ju presim për ceremoninë e ribashkimit të Notre-Dame, pesë vjet pas një zjarri të madh që shkatërroi këtë katedrale historike".
Presidenti francez tutje tha: "Ishte një solidaritet dhe reagim i menjëhershëm që nuk do ta harroj."
