Lajmet e fundit
Presidenti francez Emmanuel Macron ka arritur në Shtëpinë e Bardhë për bisedime me homologun amerikan, Donald Trump, që pritet të mbulojë perspektivat për t'i dhënë fund luftës në Ukrainë mes dallimeve të forta se si të vazhdohet.
Macron u bë lideri i parë evropian që viziton Trumpin që nga kthimi i tij në Shtëpinë e Bardhë një muaj më parë.
Të dy udhëheqësit do të marrin pjesë në një thirrje të G7-ës, do të mbajnë bisedime dypalëshe dhe më pas do të kryesojnë një konferencë të përbashkët shtypi
Macron do t’I bashkohet thirrjes me Grupin e Shtatë, i cili përfshin gjithashtu Kanadanë, Gjermaninë, Italinë, Japoninë dhe Mbretërinë e Bashkuar.
Presidenti amerikan dërgoi valë tronditëse në mbarë Evropën kur deklaroi gatishmërinë e tij për të rifilluar diplomacinë me presidentin rus Vladimir Putin dhe për të zhvilluar bisedime pa përfshirjen e kombeve evropiane apo Ukrainës, raporton Reuters, transmeton Klankosova.tv.
Ai ka përsëritur pikat e bisedimeve ruse për përgjegjësinë e supozuar të Ukrainës në fillimin e luftës, duke ngritur shqetësimin në Evropë se ai do të pajtohej me kushtet e Rusisë.
Trumpi dhe ekipi i tij kanë negociuar gjithashtu një marrëveshje për ndarjen e të ardhurave me Ukrainën për të rikuperuar disa nga paratë që administrata e mëparshme Biden i kishte dërguar Ukrainës në formën e armëve për të zmbrapsur Rusinë.
Trumpi tha gjatë fundjavës se besonte se një marrëveshje do të arrihet së shpejti.
