Lyon e qet në shitje Shaqirin

Lyoni ka vendosur ta nxjerrë në shitje Xherdan Shaqirin në afatin kalimtar të janarit, vetëm gjashtë muaji pasi e bleu bujshëm nga Liverpooli. Gjiganti francez e bleu Shaqirin nga Liverpooli në një marrëveshje prej 11 milionë eurove në verë, duke e bërë atë lojtarin më të paguar në klub. Por, përfaqësuesi i Zvicrës nuk ia ka dalë të lërë mbresa në pjesën e parë të sezonit në futbollin francez dhe Lyoni nuk është aspak i kënaqur. Ai nënshkroi marrëveshje trivjeçare me Lyonin, deri në vitin 2024, dhe merr pagë mujore prej 350 mijë eurove, apo 4.2 milionë në vit. Gazeta franceze L’Equipe shkruan se Lyoni po kalon nëpër kohë të vështira, kryesisht financiarisht, dhe do ta dëgjojë çdo ofertë për Shaqirin. Klubi francez synon ta blejë sulmuesin e Saint Petersburg, Sardar Azmoun, të cilin e sheh si zëvendësues të 30 vjeçarit. 30-vjeçari nga Gjilani i ka bërë vetëm tetë paraqitje për Lyonin në Ligue 1 deri tani këtë sezon, duke e shënuar një gol dhe duke i dhuruar dy asiste.

L'OL espère Sardar Azmoun, Xherdan Shaqiri peut partir Si l'OL a toujours l'intention de faire venir l'attaquant iranien de Saint-Pétersbourg Sardar Azmoun, il sera très attentif aux offres, notamment pour le Suisse Xherdan Shaqiri en échec https://t.co/o0VkPTVOJN pic.twitter.com/tqBeOk6Qfm

— L'ÉQUIPE (@lequipe) December 30, 2021