Kandidatja e LDK-së për deputete, Jehona Lushaku-Sadriu, ka folur për fushatën që kjo parti po e organizon për zgjedhjet e 9 shkurtit, ecurinë e saj dhe pritjet që po i bëhen nga qytetarët.
Lushaku-Sadriu tha se fushata e LDK-së po shkon jashtëzakonisht mirë, ku tha se kanë entuziazëm gjithandej dhe se kanë një përbashkim brenda strukturave por edhe jashtë.
“Njerëzit nuk po i bashkohen subjektit tonë dhe kauzave tona veç pse po i pëlqejnë si fytyra, por ata po bashkohen me ne sepse po i përbashkon ideja, projektet tona dhe po besojnë që ne jemi njerëzit e duhur për t’i realizuar ato. Po besojnë që ka ardhur momenti i një ndryshimi të vërtetë, çfarë nuk e kanë gjetur më herët”.
“Janë të dëshpëruar për shkak të performancës dhe të arritjeve të kësaj qeverie dhe për atë po kanë nevojë të mbështeten dhe t’i bashkohen projekteve zhvillimore. E, LDK-ja po shihet si alternativë shumë e favorshme”, tha Lushaku-Sadriu në T7, transmeton Klankosova.tv.
Më tej, ajo tha se është e gëzuar që LDK-në në këto zgjedhje po e përkrahin të rinjtë, ku tha se programi i LDK-së po iu duket mjaft atraktiv.
“Jam shumë e gëzuar që të rinjtë po na përkrahin, që të rinjve po iu duket shumë atraktiv edhe programi ynë por po e gjejnë veten edhe tek ne disa që i jemi bashkuar LDK-së në këto katër vitet e fundit”.
“Besoj që kjo të qenurit në opozitë na ka bërë që të jemi parti shumë serioze, me program serioz, me njerëz nga grup mosha të ndryshme dhe për këtë jemi bërë edhe më atraktiv për qytetarët”, tha ajo.
●●●
BSHKRIMI NGA
BM
Editorial nga Klan Kosova — ndjek lajme dhe zhvillimet e tjera kryesore të vendit.
