Lufta në Iran e çon në 50 miliardë dollarë humbjen e naftës

Që nga fillimi i luftës ndërmjet Shteteve të Bashkuara të Amerikës dhe Izraelit me Iranin, bota ka humbur naftë bruto me vlerë mbi 50 miliardë dollarë. Sipas analistëve dhe llogaritjeve të Reuters, pasojat e krizës pritet të ndihen për muaj, madje edhe vite që do të vijnë. Që nga fillimi i krizës në fund të shkurtit, më shumë se 500 milionë fuçi naftë bruto dhe kondensatë janë eliminuar nga tregu global, sipas të dhënave të Kpler - ndërprerja më e madhe e furnizimit me energji në historinë moderne. Ato 500 milionë fuçi naftë të humbura në treg janë ekuivalente me uljen e kërkesës globale për aviacion për 10 javë; asnjë udhëtim rrugor nga asnjë automjet globalisht për 11 ditë; ose asnjë naftë për ekonominë globale për pesë ditë, tha Iain Moëat, analisti kryesor në Ëood Mackenzie. Gjithashtu, kjo është pothuajse e barabartë me një muaj kërkesë për naftë në SHBA, sipas vlerësimeve të Reuters, transmeton Klankosova.tv.