Lot, këngë e triumf: Si u mbyll spektakli i madh i BBVK4 (VIDEO)

Finalja e madhe e Big Brother VIP Kosova shndërroi Klan Arenën në një spektakël emocionesh, muzike dhe surprizash, duke mbyllur me sukses edicionin e katërt të këtij formati shumë të ndjekur. Ish-banorët e këtij sezoni u rikthyen në studio për të përjetuar nga afër natën vendimtare. https://youtu.be/UVCR0oU6Urc Atmosfera u ndez që në fillim me performancat muzikore. Benita solli energji në skenë me interpretimin e këngës “Buggati”, duke rrëmbyer vëmendjen me paraqitjen e saj në të kuqe. https://youtu.be/3ACMqdNWdg4 Më pas, skena u “elektrizua” edhe nga Fjolla Morina, ndërsa këngëtari i mirënjohur nga Shkodra, Bujar Qamili, i dhuroi publikut momente të veçanta me këngën “Nuse n’Shkodër”. https://youtu.be/OZ5AwCQU2Ys https://youtu.be/qo683XelYSc Finalistët u përballën me rrugëtimin e tyre brenda shtëpisë përmes klipeve përmbledhëse dhe surprizave nga më të dashurit. Klodi u emocionua nga ardhja e familjarëve nga Italia, Ludo u surprizua në një takim të veçantë me bashkëshorten dhe tri vajzat e tij, ndërsa Elijona shpërtheu në lot kur takoi vëllain e vogël pas 102 ditësh izolim. https://youtu.be/GU7k6q8WKbk https://youtu.be/D7tQGVwFIUI Për të, një tjetër moment i paharrueshëm ishte performanca e Labinot Tahiri me këngën “Zemra e re”, të cilën ajo e kishte kënduar shpesh gjatë qëndrimit në shtëpi. Edhe Hygerta pati një takim emocional me nënën e saj, e cila i tha se e kishte bërë krenare me lojën dhe qëndrimin e saj. https://youtu.be/e4BtQQf_1K8 Por, ajo ishte finalistja e parë që u eliminua, duke u renditur e pesta në këtë finale. Renditja përfundimtare e edicionit të katërt ishte: Vendi i pestë: Hygerta Vendi i katërt: Klodi Vendi i tretë: Ludo Vendi i dytë: Elijona Ndërsa fituesi i madh i këtij sezoni u shpall Londrimi, i cili kishte deklaruar me bindje pak orë më parë: “Unë do ta fitoj”. /Klankosova.tv https://youtu.be/ZkE-VlEA9qg https://klankosova.tv/live-mbyllet-televotimi-me-i-rendesishem-i-bbvk-pas-pak-shpallet-fituesi111111/ https://youtu.be/gGiMFmy3hXk