Lojë e fortë në "Karagaç", Peja 10 pikë në epërsi ndaj Prizrenit

Dramë e vërtetë basketbollistike u zhvillua në çerekun e parë ndërmjet Pejës dhe Proton Cable Prizrenit. Sa njëra e sa tjetra skuadër e merrnin avantazhin gjatë 10 minutave të para, në duelin e vlefshëm për xhiron e dytë, por që nuk ishte zhvilluar shkaku i angazhimeve të Pejës në kualifikimet e FIBA Europe Cup, njofton Klankosova.tv. Vendasit e mbyllën këtë fraksion të ndeshjes me një pikë epërsi 26:25. Edhe çereku i dytë u karakterizua me dinamikën e njejtë ku të dy ekipet sulmonin me krejt forcat, deri kur pejanët nisën shkëputjen pasi kaluan 13 minuta lojë të rregullt. Pejanët nuk lejuan befasi duke e mbyllur pjesën e parë me 10 pikë në epërsi 49 me 39. Kjo është loja e parë pa trajnerin Rami Hadar, i cili dha dorëheqje nga kjo pozitë pas humbjes nga Golden Eagle Ylli.