Llapi “e shkatërron” Ballkanin në shtëpi

Skuadra e Tahir Batatinës ka arritur ta mposhtë skuadrën e Ilir Dajës me rezultat të thellë, 4-1 si mysafir. Serinë e golave për Llapin e nisi mbrojtësi Fernandinho në minutën ‘7, ndërsa mesfushori Franciso Rivera e dyfishoi epërsinë në 2-0, 10 minuta pa përfunduar pjesa e parë, rezultat me të cilin skuadrat edhe shkuan në pushim. Ishte sërish Rivera ai që shënoi për 3-0 në minutën ’77, kurse Gerhard Progni në minutat shtesë shënoi për 4-0, raporton Klankosova.tv. Krejt çka skuadra e Ballkanit mundi të bëjë është të shënonte golin e nderit në minutën ’92 përmes mbrojtësit Lumbardh Dellova. Me këtë humbje, skuadra e Ballkanit mbetet në pozitën e dytë me 27 pikë nga 13 ndeshje të zhvilluara, 5 pikë më pak se Drita që kryeson. Duhet theksuar se Ballkani ka 3 ndeshje më pak të zhvilluara se kreu. Ndërkaq për Llapin kjo është fitorja e dytë në 5 ndeshjet e fundit, duke u renditur në pozitën e 5-të me 19 pikë të grumbulluara nga 15 xhiro. /Klankosova.tv