Lladrovci përkujton masakrën e Çirezit dhe Likoshanit: Drejtësia vonon, por nuk harron

Kryetari i Drenasit, Ramiz Lladrovci ka përkujtuar përvjetorin e masakrës së Çirezit dhe Likoshanit, duke shprehur nderim, dhimbje dhe solidaritet me familjet e dëshmorëve dhe martirëve. Ai theksoi se sulmi ndaj këtyre fshatrave nuk ishte i rastësishëm, pasi, sipas tij, okupatori kishte në shënjestër burimet dhe çerdhet e rezistencës shekullore. “Armiku po sulmonte nga frika dhe paniku për të penguar organizimin e Ushtria Çlirimtare e Kosovës dhe rezistencën e armatosur”, shkroi ai. Kryetari shtoi se përgjegjësit, urdhërdhënësit dhe ekzekutorët e masakrës ende nuk janë përballur me drejtësinë. “Drejtësia mund të vonojë, por nuk harron”, deklaroi ai. /Klankosova.tv