Llapi befason Dritën në Gjilan, merr avantazhin në pjesën e parë

Drita e ka gjetur vetën në disavantazh në ballafaqim me Llapin. Pas një krosimi nga Valmir Veliu, topin e goditur me kokë, Blend Baftiu e dërgon në rrjetën e ish-skuadrës së tij. Gjilanasit që janë liderë të kampionatit, me fitore eventuale sot, do të shkëputeshin plot 5 pikë nga ndjekësi i parë, Ballkani, por nuk e kanë filluar mirë ndeshjen e sotme, njofton Klankosova.tv. “Xhebrailat” nuk shkuan mbrëmë më shumë se një barazim 1-1 kundër Prishtinës, andaj “Intelektualët” e kanë mundësinë që të krijojnë diferencë edhe më të madhe, para se të dielën të udhëtojnë në Suharekë për t’u përballur me kampionin aktual. Nga ana tjetër ekipi nënkampion i Kosovës, ndodhet në zonën e barazhit, pasi me 16 pikë, ka prapa vetëm Ferizajin dhe Feronikelin’74, raporton Klankosova.tv. Për t'u rikthyer në garë për pozitat e para, llapjanët duhet të lënë gjurmë në duelin e sotëm dhe deri tani kanë dhënë sinjale se kjo mund të ndodh. Drita – Llapi po transmetohet direkt në kanalin Sport 1 të platfromës kryesore shqiptare, Art Motion. [caption id="attachment_2434999" align="alignnone" width="1260"] Renditja aktuale në Superligë[/caption]