LIVE: Ylli ia "rrëmben" edhe finalen e dytë Trepçës

Sonte në palestrën "Minatori" të Mitrovicës luhet ndeshja e dytë e finales së playoff-it të basketbollit mes Trepçës dhe Golden Eagle Yllit. Kjo ndeshje, që pritet të jetë po aq e nxehtë sa ndeshja e parë e finales, transmetohet drejtpërdrejtë në kanalin Sport 1 të Artmotion.

---

22:50 - Ylli ia "rrëmben" edhe finalen e dytë Trepçës Golden Eagle Ylli e ka fituar edhe finalen e dytë përball Trepçës. Mysafirët nga Suhareka e kanë mposhtur në palestrën "Minatori" skuadrën vendase Trepçën, me rezultat 49:60. Yllit i nevojitet vetëm edhe një fitore për t'u shpallur kampion. Suharekasit kanë fituar përball mitrovicasve edhe në ndeshjen e parë me rezultat 63:62. 22:30 - Nis çereku i fundit i finales së dytë Trepça - Ylli Në palestrën "Minatori" në Mitrovicë ka nisur çereku i katërt i përballjes në mes të Trepçës dhe Yllit. Aktualisht Ylli është duke fituar me rezultat 39:50. Mbetet të shihet nëse skuadra nga Suhareka do të arrijë të fitojë edhe ndeshjen e dytë përball skuadrës mitrovicase. 22:27 - Çereku i tretë: Trepça - Ylli 39:50 Edhe çereku i tretë i ka takuar Golden Eagle Yllit. 10 minutat e treta të ndeshjes u mbyllën me rezultat. Nëse Ylli arrin sonte të fitojë përball Trepçës, në finalen e dytë do t'i nevojitet vetëm edhe një fitore që të shpallet kampion. 22:00 - Nis pjesa e dytë e finales Trepça - Ylli Ka nisur pjesa e dytë e finales së dytë në mes të Trepçës dhe Yllit. Pjesën e parë e dominoi plotësisht skuadra nga Suhareka duke e mbyllur me dyfish më shumë pikë sesa klubi mitrovicas. 20 minutat e para përfunduan me rezultat 18:39 për suharekasit. 21:46 - Pjesa e parë i takon Yllit Ka përfunduar pjesa e parë e finales së dytë në mes të Trepçës dhe Yllit. 20 minutat e para i takuan mysafirëve nga Suhareka. Në "Minatori" pjesën e parë e mbyllen me rezultat 18:39. 21: 24 - Përfundon çereku i parë, Trepça - Ylli 6:22 Ka përfunduar çereku i parë i finales së dytë në mes të Trepçës dhe Golden Eagle Yllit. Ky çerek i takoi mysafirëve me rezultat 6:22. 21:00 - Nis finalja e dytë mes Trepçës dhe Yllit Ka filluar ndeshja e dytë e finales së playoff-it mes klubit të basketbollit Trepça dhe Golden Eagle Yllit. Ndeshja ishte e paraparë që të fillojë nga ora 20:30, por një vonesë e klubit nga Suhareka bëri që takimi të shtyhet për më shumë se gjysmë ore. Pesëshet e para të dy skuadrave i gjeni më poshtë. TREPÇA: Andrew Gordon, Rodney Purvis, Amin Hot, Corban Collins, Drilon Hajrizi. YLLI: Chris Harris, Erjon Kastrati, Mikaile Tmusic, Henrik Sirko, Dajuan Graf.