Ka nisur tani edhe raundi i ri i takimeve të presidentit amerikan, Donald Trump në Shtëpinë e Bardhë.
Aktualisht, ai ka mbledhur rreth vetes në tryezë, presidentin e Ukrainës, Volodymir Zelensky dhe shefin e NATO-s, Mark Rutte dhe liderë të tjerë evropianë, transmeton klankosova.tv.
Ai me të nisur këtë takim u shpreh në fjalimin e tij se pas këtyre bisedimeve, do ta telefonojë me patjetër, presidentin rus, Vladimir Putin.
Presidenti amerikan, Donald Trump fillimisht ka mirëpritur presidentin e Ukrainës, Volodymyr Zelensky, për të biseduar për përfundimin e luftës së Rusisë në Ukrainë.
Trump tha se do të jetë “një ditë e madhe në Shtëpinë e Bardhë", ndërsa ka folur shkurt para takimit.
Klankosova.tv ju sjellë më poshtë të gjitha zhvillimet nga ky takim.
00:19 - Përfundon takimi i Trump me udhëheqësit evropianë
Është konfirmuar nga Shtëpia e Bardhë se bisedimet e Donald Trump me udhëheqësit evropianë në dhomën lindore kanë përfunduar.
Siç raporton The Guardian, transmeton Klankosova.tv, presidenti ukrainas, Volodymyr Zelenksy do të qëndrojë në Uashington.
“Takimi ka mbaruar, por udhëheqësit evropianë dhe Presidenti ukrainas Volodymyr Zelenskyy po qëndrojnë për momentin në Uashington për të vazhduar bisedimet, potencialisht në një format tjetër", raporton The Guardian.
Ndryshe, Donald Trump ka përjashtuar një armëpushim në Ukrainë, ndërsa Volodymyr Zelenskyy dhe aleatët e tij evropianë vizituan Shtëpinë e Bardhë për të nxitur garancitë e sigurisë të mbështetura nga SHBA-ja, si pjesë e çdo marrëveshjeje afatgjatë paqeje.
Presidenti amerikan, i cili vetëm javën e kaluar e paralajmëroi Rusinë për "pasoja shumë të rënda" nëse Vladimir Putin nuk arrinte të binte dakord për ndalimin e luftimeve, e bëri të qartë sot se e kishte ndryshuar qëndrimin e tij.
23:13 -
Sky News raporton se Trump ndërpreu takimin me udhëheqësit evropianë për të telefonuar Putinin
Sky News mëson se Donald Trump ka ndërprerë takimin me udhëheqësit evropianë për të telefonuar presidentin rus, Vladimir Putin.
Kuptohet që ai e bëri telefonatën në një pjesë tjetër të Shtëpisë së Bardhë, nga vendi ku po takohej me udhëheqësit evropianë.
Kjo vjen pasi gazeta gjermane Bild raportoi mbi zhvillimin dhe tha se takimi do të vazhdonte më pas.
Trump fillimisht tha se do ta telefononte udhëheqësin rus pas takimit me udhëheqësit në Washington.
21:36 - “Takimi mund të bëjë një hap historik për Ukrainën”, thotë Starmer
Kryeministri britanik, Sir Keir Starmer, ka deklaruar sot se liderët e grumbulluar mund të bëjnë një “hap të rëndësishëm dhe historik” në lidhje me garancitë e sigurisë për Ukrainën gjatë këtij takimi.
Duke folur pas presidentit francez Emmanuel Macron, Starmer tha se “Kur flasim për sigurinë, nuk po flasim vetëm për sigurinë e Ukrainës, por për sigurinë e Europës dhe të Mbretërisë së Bashkuar gjithashtu”, transmeton klankosova.tv.
Ai shtoi: “Mendoj se mund të bëjmë përparim të vërtetë, sidomos për garancitë e sigurisë, nëse e kemi qasjen e duhur.”
Starmer përshëndeti sugjerimin e presidentit amerikan Donald Trump për garanci të stilit të Neni 5 të NATO-s, duke thënë se kjo përputhet me atë që “Koalicioni i Dëshirueshëm” ka punuar për muaj me radhë.
“Mendoj se duke iu bashkuar asaj që kemi zhvilluar tashmë, mund të bëjmë një hap të rëndësishëm përpara, një hap historik, në këtë takim, për sigurinë e Ukrainës dhe sigurinë në Europë,” tha Starmer.
21:33 -Macron: Në bisedimet Trump-Putin-Zelensky duhet të marrë pjesë edhe një përfaqësues evropian
Ndërsa Presidenti Donald Trump shtyn përpara një takim trepalësh midis tij, Presidentit rus Vladimir Putin dhe presidentit ukrainas, Volodymyr Zelensky, presidenti francez Emmanuel Macron ofroi një ide: një udhëheqës evropian në tryezë.
“Mendoj se si vazhdimësi, do të na duhej ndoshta një takim katërpalësh. Sepse kur flasim për garancitë e sigurisë, flasim për të gjithë sigurinë e kontinentit evropian”, tha ai.
Duket e pamundur që Trump do ta pranojë këtë ide, të paktën në afat të shkurtër, ndërsa ai punon për t’i dhënë fund luftës. /Klankosova.tv
21:31 - SHBA ofron garanci sigurie “si Neni 5”, thotë von der Leyen
Kryetarja e Komisionit Evropian, Ursula von der Leyen, ka përshëndetur garantimin e sigurisë nga ana e amerikanëve.
“Është shumë mirë të dëgjojmë që po punojmë për garantimin e sigurisë, garantime të ngjashme me nenin pesë”, ka thënë ajo, transmeton klankosova.tv.
Ky nen nënkupton se një sulm ndaj një anëtari të NATO-s është një sulm ndaj të gjithë aleancës.
21:25: Rutte lavdëron Trump për thyerjen e ngërçit me Putinin dhe nisjen e dialogut
Sekretari i Përgjithshëm i NATO-s, Mark Rutte, ka lavdëruar sonte presidentin amerikan, Donald Trump për faktin se ai “thau ngërçin” me presidentin rus Putin duke “nisur dialogun”.
Duke iu referuar luftës në Ukrainë, Rutte shton se “nëse luajmë mirë, mund ta mbyllim këtë”, transmeton klankosova.tv.
Më pas, lideri i NATO-s thekson se është “tejet e rëndësishme” që Trump po thotë se është “i gatshëm të marrë pjesë” në garancitë e sigurisë për Ukrainën, duke e quajtur këtë “një hap të madh” dhe një “ndryshim të rëndësishëm”.
Në përgjigje, Trump lavdëron vendet e NATO-s për rritjen e shpenzimeve të mbrojtjes nga 2% të PBB-së “që nuk paguheshin gjithmonë” në 5% “që tani paguhen”.
21:25 - Meloni: Bisedimet për sigurinë do të fillojnë me modelin e NATO-s
Kryeministrja e Italisë, Giorgia Meloni në Uashington kujtoi trimërinë ukrainase në fushën e betejës në pengimin e përparimeve ruse dhe unitetin që nevojitej për t’i mbështetur ata në këtë drejtim.
Meloni nënvizoi se nëse duan të arrijnë paqe dhe të garantojnë drejtësi duhet të jenë të bashkuar, derisa rikujtoi edhe një herë se Italia është në anën e Ukrainës.
"Nëse duam të arrijmë paqen dhe nëse duam të garantojmë drejtësi, duhet ta bëjmë të bashkuar. Padyshim që mund të mbështeteni te Italia - siç ishte që nga fillimi, ne jemi në anën e Ukrainës”, tha Meloni, transmeton Klankosova.tv
"Do të flasim për shumë tema të rëndësishme. E para është garancitë e sigurisë, si të sigurohemi që kjo të mos ndodhë përsëri, që është parakushti i çdo lloj paqeje. Jam i lumtur që do të fillojmë nga një propozim, i cili është modeli i Artikullit Pesë [të NATO-s]”, vijoi tutje ajo. /Klankosova.tv
21:14- Merz thotë se armëpushimi është i rëndësishëm për Ukrainën
Kancelari i Gjermanisë, Friedrich Merz, e falënderoi Trumpin për organizimin e takimit dhe pranoi se ishte bërë përparim, por i quajti hapat e mëtejshëm "më të ndërlikuar".
Ai po i referohej samitit trepalësh të Trump, Zelensky dhe Putin dhe tha se një armëpushim ishte gjëja më e rëndësishme për Ukrainën.
21:10 -Zelensky thotë se çështjet territoriale do të diskutohen në takimin trepalësh
Presidenti i Ukrainës, Volodymyr Zelenskyy, ka thënë se çështjet territoriale “të ndjeshme” do të diskutohen në një samit trepalësh ku do të marrin pjesë ai vetë, Trump dhe udhëheqësi i Rusisë, Vladimir Putin.
Trump tha se çështja e dhënies së çdo territori të Ukrainës Rusisë “mund të ngrihet vetëm nga Zelensky dhe populli i Ukrainës”.
“Folëm për pika shumë të ndjeshme. E para janë garancitë e sigurisë. Dhe jemi shumë të kënaqur me presidentin që të gjithë udhëheqësit janë këtu. Siguria në Ukrainë varet nga Shtetet e Bashkuara, nga ju dhe nga ata udhëheqës që janë me ne në zemrat tona. Shumë vende në anën e tyre të Ukrainës, populli ynë dhe të gjithë ne duam ta përfundojmë këtë luftë, t’i ndalojmë rusët, ta ndalojmë këtë luftë. Do të flasim më shumë për garancitë e sigurisë. Është shumë e rëndësishme që Shtetet e Bashkuara japin një sinjal kaq të fortë dhe janë të gatshme për garanci sigurie”, tha Zelensky.
Zelenskyy shton: “I tregova presidentit shumë detaje në fushën e betejës, në hartë. Faleminderit për hartën, meqë ra fjala”.
20:00
Trump thotë se Putini e “pret telefonatën time”, synon takim trilateral edhe me Zelenskyn
Presidenti i SHBA-së, Donald Trump tha se do ta ketë një bisedë telefonike me presidentin rus, Vladimir Putin.
Ai madje se do të komunikojë më të pas takimeve sot, ndërsa nuk e përjashtoi mundësinë për një takim trepalësh.
“Sapo kam folur me presidentin Putin në mënyrë indirekte, dhe do të kemi një bisedë telefonike menjëherë pas këtyre takimeve sot, dhe mund të kemi ose jo një takim trepalësh”, tha Trump.
Trump shtoi se Putini “po pret thirrjen time kur të përfundojmë këtë takim”.
19:41
Trump thotë se nuk nevojitet armëpushim për një marrëveshje paqeje
Presidenti amerikan, Donald Trump thotë se nuk ka nevojë për armëpushim në Ukrainë, duke shtuar se një marrëveshje paqeje mund të arrihet ndërsa Ukraina dhe Rusia janë në luftë.
“Nuk mendoj se keni nevojë për një armëpushim. E dini, nëse shikoni gjashtë marrëveshjet që kam arritur këtë vit, të gjitha ishin në luftë, unë nuk bëra asnjë armëpushim. E di që mund të jetë mirë ta kemi, por gjithashtu mund ta kuptoj, strategjikisht, pse një vend ose tjetri nuk do ta dëshironte atë. Keni një armëpushim dhe ata rindërtojnë e rindërtojnë e rindërtojnë, dhe ndoshta nuk e duan këtë”, tha Trump, transmeton Klankosova.tv
Ai thotë se i pëlqen “koncepti i një armëpushimi” sepse njerëzit do të ndalonin së vrari, por “ne mund të arrijmë një marrëveshje ku të punojmë për një marrëveshje paqeje ndërsa ata janë duke luftuar”.
19:39
Trump s’e përjashton mundësinë e dërgimit të trupave amerikane në Ukrainë si pjesë e garancive të sigurisë
Presidenti amerikan, Donald Trump, nuk e ka përjashtuar mundësinë e dërgimit të trupave amerikane në Ukrainë për të ndihmuar në ruajtjen e një marrëveshjeje të mundshme për paqe.
“Do t’ju njoftojmë, ndoshta më vonë sot”, tha Trump.
Trump tha se Evropa do të jetë ajo që udhëheq përpjekjet për sigurimin e paqes, por se SHBA do të jetë e përfshirë.
“Ata janë vija e parë e mbrojtjes, sepse janë aty, Evropa. Por, ne do t’i ndihmojmë. Gjithashtu, do të jemi të përfshirë”, tha ai.
Trump sipas REL, tha se nëse arrihet marrëveshje për paqe, ajo do të jetë e qëndrueshme.
“Unë mendoj se nëse arrijmë paqen, ajo do të funksionojë. Nuk kam asnjë dyshim për këtë”, tha ai.
19:34
Trump: Po bëhet përparim që të përfundojë lufta Rusi – Ukrainë
Presidenti i Shteteve të Bashkuara të Amerikës, Donald Trump tha se do që lufta Rusi – Ukrainë të përfundojë.
Ai thotë se ai dhe Zelensky duan që kjo të marrë fund, dhe thotë se beson të njëjtën gjë edhe për Putinin.
Trump thotë se nuk dëshiron ta thotë këtë dhe shton se “kjo nuk është lufta ime”, duke fajësuar përsëri ish-presidentin amerikan Joe Biden për mosndalimin e pushtimit rus në vitin 2023 dhe përsërit se lufta duhet të përfundojë, duke thënë se dëshiron që ajo të përfundojë mirë për të gjithë.
Ndërkaq, Trump e falënderoi Zelenskyn që ishte sot në SHBA dhe tha se “po bëhet përparim” për t’i dhënë fund luftës midis Rusisë dhe Ukrainës”.
Ai thotë se pati një takim “shumë të mirë” me Putinin dhe se ekziston “një mundësi e mirë që diçka të dalë prej tij”.
Trump do të takojë edhe shtatë liderë botërorë janë gjithashtu në kryeqytetin e SHBA-së pas takimit me Zelenskyn.
19:30
Zelensky: Jemi gati për takim trepalësh me Putinin
Një gazetar e pyet Volodymyr Zelenskyn nëse është i përgatitur të “dërgojë trupat ukrainase drejt vdekjes” ose “të rivizatojë hartat”.
“Ne jetojmë nën sulme çdo ditë”, thotë Zelenskyy, duke përmendur vdekjen e një fëmije kohët e fundit.
“Ne duhet ta ndalojmë këtë luftë për të ndaluar Rusinë, dhe na duhet mbështetje nga partnerët amerikanë dhe evropianë. Do të tregojmë se jemi njerëz të fortë dhe mbështetëm idenë e Presidentit Trump për të ndaluar këtë luftë”.
Ai shton: “Jemi gati për një takim trepalësh me Putinin”.
19:24
Zelensky falënderon Melanian për letrën drejtuar Putinit
Volodymyr Zelensky e ka falënderuar Donald Trump për samitin në Uashington sot, dhe gjithashtu falënderoi bashkëshorten e tij Melania për letërn dërguar presidentit rus, Vladimir Putin.
Zonja e Parë i shkroi një letër Vladimir Putinit, e cila iu dorëzua atij të premten.
I ulur në Zyrën Ovale, Zelenskyy thotë: “ Faleminderit shumë, z. President. Nëse mundem, para së gjithash, ju falënderoj për ftesën tuaj.”
“Ju falënderoj shumë për përpjekjet tuaja dhe përpjekjet tuaja personale për të ndaluar vrasjet dhe për të ndaluar këtë luftë.
“Faleminderit dhe duke përdorur këtë mundësi, i shpreh mirënjohjen time gruas suaj, zonjës së parë të Shteteve të Bashkuara. Ajo nënshkroi një letër drejtuar Putinit në lidhje me fëmijët tanë të rrëmbyer”, tha ai.
19:21
Nis takimi Trump-Zelensky
Takimi midis Donald Trump dhe Volodymyr Zelensky është duke u zhvilluar.
Të dy udhëheqësit janë ulur përsëri gjashtë muaj pas takimit të fundit.
Zelensky shpreson të fitojë mbështetjen dhe veprimin e udhëheqësit amerikan, pasi Trump u takua me Vladimir Putin të premten.
Kjo vjen përpara takimit të Trump me udhëheqësit evropianë më vonë këtë mbrëmje.
Donald Trump e pret Zelenskyn në Shtëpinë e Bardhë
Donald Trump e ka pritur Zelenskyn në Shtëpinë e Bardhë.
Mbërritja e presidentit ukrainas vjen pas asaj të udhëheqësve evropianë dhe të NATO-s.
Ai do të ulet me Donald Trump dhe JD Vance në Zyrën Ovale – duke shpresuar të shmangë një përsëritje të pasojave tronditëse të shkurtit, shkruan Sky News, transmeton Klankosova.tv
