Lirimi rekord i rezervave të naftës mund të mos ulë çmimet

Çmimet globale të naftës po vazhdojnë të rriten pavarësisht vendimit të Agjencisë Ndërkombëtare të Energjisë  për të liruar rreth 400 milionë fuçi nga rezervat emergjente, masa më e madhe e tillë në histori. Nafta Brent arriti rreth 100 dollarë për fuçi të enjten, mbi 35 për qind më shumë krahasuar me periudhën para nisjes së luftës mes SHBA-së, Izraelit dhe Iranit, raporton Aljazeera. Analistët thonë se ndikimi i këtij vendimi mund të jetë i kufizuar nëse vazhdon bllokimi faktik i Ngushticës së Hormuzit, përmes së cilës kalon rreth një e pesta e furnizimit global me naftë. Sipas ekspertëve të tregut, lirimi i rezervave mund të sjellë vetëm lehtësim të përkohshëm, pasi mungesa globale e furnizimit tashmë ka kaluar 200 milionë fuçi pas ditëve të para të konfliktit. Nëse situata në rajon vazhdon dhe furnizimi mbetet i kufizuar, analistët paralajmërojnë se çmimi i naftës mund të rritet ndjeshëm dhe madje të kalojë 150 apo edhe 200 dollarë për fuçi. /klankosova.tv.