Lindjet cezariane në rritje, Kelmendi: Lindja natyrale është një mrekulli në vete (VIDEO)

Përderisa numri i lindjeve cezariane në vend po rritet, e disa prindër po e zgjedhin këtë metodë edhe për të përcaktuar datën e lindjes së fëmijës së tyre.

Për moderatoren e Radio Klan Kosova FM, Arbreshë Kelmendi-Ramadani, kjo nuk është mënyra që ajo preferon.

Ajo në emisionin “Ora 7” në Klan Kosova, deklaroi se para së gjithash, preferon lindjen natyrale për shkak të përfitimeve dhe përvojës unike që ajo sjell.

“Është zgjedhje personale sesi një nënë do të bëhet nënë, por unë mendoj se lindja normale është një mrekulli në vetvete. Kur një nënë përjeton dhimbjet që sjell në jetë fëmija i saj, kjo është një përvojë e paharrueshme. Për më tepër, lindja normale ofron përfitime më të mëdha shëndetësore dhe komplikacionet janë zakonisht më të pakta krahasuar me lindjet cezariane”, tha ajo. /Klankosova.tv