Limaj: Më 9 shkurt është mundësia të vendoset për Kosovë fituese apo të shpifjeve

Fatmir Limaj, kryetari i Nismës Socialdemokrate, ka deklaruar se qytetarët e vendit më 9 shkurt e kanë mundësinë që të bëjnë ndryshimin e tyre se kush do t'i udhëheq për katër vitet e ardhshme. Në një tubim me kandidatët për deputetë të koalicionit Kosova Fituese në Prishtinë, ai ka thënë se duhet të zgjidhet mes Kosovës Fituese dhe Kosovës së shpifjes. "Qytetarë të Prishtinës edhe pak ditë na mbetet të zgjidhim mes Kosovës Fituese dhe mashtrimit, edhe pak ditë na mbetet të zgjedhim mes Kosovës Fituese edhe shpifjes, edhe pak ditë na mbesin të zgjedhim mes Kosovës Fituese dhe Kosovës të stagnuar, edhe pak ditë na mbetet të zgjedhim mes Kosovës që bashkon, dhe një Kosove që polarizon dhe përçan shoqërinë". "Kosova këtë rast e ka më 9 shkurt të përzgjedh se kush do ta drejtoj për katër vitet e ardhshme", ka thënë Limaj. /Klankosova.tv