Limaj: Është koha drejt fitoreve të reja, koalicionit ynë fitues do ta qojë Kosovën drejt veprave

Fatmir Limaj, kryetar i Nismës Socialdemokrate, ka thënë se më 9 shkurt qytetarët e Gjakovës dhe gjithë vendit duhet të bëjnë ndryshimin me votimin e tyre. Në tubimin e sotëm në Gjakovë, ai tha se koalicioni Kosova Fituese do të zhvillojë politikën dhe ekonominë e vendit. "Ky njeri para katër viteve premtoi shumë gjëra, por asnjë nuk e realizoi. Qytetarë të Gjakovës dhe krejt Kosovës është koha që të thirrim zërin racional, që të bashkohen energjitë ashtu siç kemi thënë edhe herën e kaluar. Ju falënderoj të gjithëve për këtë angazhim që e kemi pasë, koalicioni po e mbyll këtë fushatë me dinjitet, dhe ashtu siç i ka hije një koalicionit fitues, duke pasë kujdes në gjuhën tonë e duke ftuar njerëz në punë, duke ndarë programin tonë dhe vizitonin tonë". "Duke refuzuar logjikën e përçarjes dhe mashtrimit, duke përjashtuar logjikën e polarizimit, shpifjes dhe akuzave të gjithanshme, miq të dashur është koha për të vendosur, të dielën është koha t'i thoni jo mashtrimi dhe jo shpifjes, është koha që më 9 shkurt Gjakova dhe Kosova t'u thonë po veprave, është koha drejt fitoreve të reja, koalicionit ynë fitues do ta qojë Kosovën drejt veprave të reja të zhvillimit ekonomik dhe politikë", ka thënë Limaj. /Klankosova.tv