Ligji për të Huajt, Kurti: Veç po e zbatojmë ligjin e para 13 vjetëve

Kryeministri Albin Kurti, është pyetur lidhur me marrëveshjen mes Kosovës dhe BE-së për Ligjin për të Huajt. Kurti tha se qeveria thjesht po e zbaton ligjin në bashkëpunim me Bashkimin Evropian, transmeton Klankosova.tv. “Po zbatohet ligji nga periudha para 13 vjetëve dhe më në fund po zbatohet ligji. Do të bëjmë inkorporimin e të gjitha strukturave të cilat janë në sistemin e shëndetësisë dhe arsimit. Ju e dini që strukturat e tjera ilegale të Serbisë sikurse ato të sigurisë, të financave, të administrimit nuk ekzistojnë më. Kanë ngelur edhe arsimi dhe shëndetësia dhe ato do t’i inkorporojmë", tha ai. Kështu deklaroi Kurti gjatë përurimit të segmentit të rrugës Vushtrri-Prishtinë.