Liga e Kampionëve ndërron format

Ndeshjet e Ligës së Kampionëve në të ardhmen mund të mos zhvillohen më në mesjavë. Kjo ide është duke u diskutuar nga UEFA, e cila po synon që të rrisë interesimin në garën më të famshme të saj. Ndryshimi mund të fillojë nga viti 2021. “Ne jemi në bisedime të vazhdueshme me gjithë palët e interesuara dhe çdo vendim do të merret në pajtim me ta”. “Është shumë herët që të spekulojmë për ndryshimin e formatit të garës sonë të klubeve”. Liga e Kampionëve zhvillon ndeshjet në mesjavë që prej vitit 1968. Finalet e kësaj gare u zhvilluan në mesjavë deri në vitin 2010, por tani ato zhvillohen të shtunave. Ndeshjet në vikend do t’i përshtateshin audiencës televizive në Lindjen e Largët, por do të kërkonte ndryshimin e orareve nëpër ligat e shteteve evropiane.