Liderët botërorë që pritet të marrin pjesë në funeralin e Papës

Disa nga liderët botërorë kanë njoftuar se do të marrin pjesë në funeralin e Papës, i cili do tëm bahet të shtunën. Presidenti i Argjentinës, Javier Milei pritet të mbërrijë në Romë të mërkurën, raportojnë mediat argjentinase. Edhe ai i Amerikës, Donald Trump ka konfirmuar mbrëmë se do të shkojë në funeralin e Papës, të cilin e përshkroi si një “njeri të mirë”. Poashtu, presidenti francez, Emmanuel Macron ka thënë se do të jetë pjesë e varrimit. Pos tij, edhe ai i Ukrainës, Volodymyr Zelenskyy. Burimet kanë thënë për Reuters se ai do të udhëtojë në Itali për funeralin e Papës i cili vdiq në moshën 88-vjeçare. Në mesin e këtyre liderëve pritet të jetë edhe presidenti i Brazilit Luiz Inacio Lula da Silva dhe zonja e parë Janja Lula da Silva. Lajmin e konfirmoi qeveria atje. Brazili ka shpallur gjithashtu shtatë ditë zie për Papën./Klankosova.tv