Lëvizte me armë zjarri, prangoset 30-vjeçari në Kukës

Policia e Shqipërisë ka arrestuar një person të moshës 30-vjeçari, pasi i njëjti ka lëvizur me armë zjarr. Në njoftimin e policisë bëhet e ditur se në automjetin e të dyshuarit është gjetur armë zjarri pistoletë dhe municion luftarak për të. “Shërbimet e DVP Kukës, në bashkëpunim me shërbimet e Komisariatit të Policisë Kukës dhe me mbështetjen e shërbimeve të Forcës së Posaçme “Shqiponja”, bazuar në informacionet e siguruara në rrugë operative se një shtetas qarkullonte me armë zjarri, organizuan dhe finalizuan operacionin policor të koduar “Akulli”. Si rezultat i këtij operacioni u arrestua në flagrancë shtetasi”. “P. V., 30 vjeç, banues në Kukës. Ky shtetas u kap në flagrancë nga shërbimet e Policisë, në lagjen nr. 3, në qytetin e Kukësit, duke lëvizur me automjetin tip “Touareg”, në të cilin u gjetën 1 armë zjarri pistoletë dhe municion luftarak për të”, thuhet në njoftim.