Lëvizte me armë zjarri në automjet, arrestohet 20-vjeçari në Tiranë

Është arrestuar një 20-vjeçar në Tiranë, pasi i njëjti ka lëvizur me armë zjarri në automjet. Policia e Shqipërisë ka njoftuar se është proceduar në gjendje të lirë edhe një 20-vjeçar tjetër, i cili kishte dijeni për armën, përcjell Klankosova.tv. "Si rezultat i kontrolleve të kryera në bazë të informacioneve të siguruara nga inteligjenca policore, në vijim të punës intensive të Policisë, me objektiv goditjen e rasteve të mbajtjes pa leje të armëve të zjarrit, shërbimet e Komisariatit të Policisë Vorë finalizuan operacionin policor të koduar “Street”. "Në kuadër të operacionit u arrestua në flagrancë shtetasi G. T., 20 vjeç, si dhe u procedua në gjendje të lirë shtetasi O. X., 20 vjeç, të dy banues në Laç. Në aksin rrugor “Fushë Krujë-Vorë”, i është bërë shenjë ndalimi automjetit tip “Benz” që drejtonte 20-vjeçari dhe ku ishte pasagjer shtetasi O. X.. Gjatë kontrollit në automjet, nën sediljen e 20-vjeçarit, është gjetur 1 armë zjarri pistoletë. Shtetasi O. X. dyshohet se kishte dijeni për amën dhe nuk ka kallëzuar", thuhet në njoftimin e policisë.