Lëvizja 65 miliardëshe e Bankës së Anglisë, e nxitur nga frika e kolapsit të disa fondeve të pensioneve

Banka e Anglisë ndërhyri për të qetësuar tregjet pasi disa lloje fondesh pensionesh ishin në rrezik që të kolapsonin. Banka u zotua të blinte 65 miliardë funta bono qeveritare pasi mini-buxheti i së premtes shkaktoi trazira në tregjet financiare dhe funta pësoi rënie. Investitorët kishin kërkuar një kthim shumë më të lartë për investimin në obligacionet e qeverisë, duke bërë që disa të përgjysmoheshin në vlerë, raporton BBC, transmeton KlanKosova.tv. Fondet e pensioneve të cilat investojnë në obligacione, u detyruan ta fillonin shitjen, duke shkaktuar frikën për një rënie të re të tregut. Banka ka njoftuar se vendimi i saj për të blerë obligacione qeveritare me një “ritëm urgjent” ishte i nxitur nga shqetësimi mbi “një rrezik material për stabilitetin financiar të Mbretërisë së Bashkuar”