Letrat nga Lufta Shtatëvjeçare hapen 250 vjet më vonë

Letrat e konfiskuara nga Marina Mbretërore e Britanisë para se të arrinin te marinarët francezë gjatë Luftës Shtatëvjeçare janë hapur për herë të parë. Të shkruara në vitet 1757-1758, ato u dërguan nga njerëzit e dashur për ekuipazh në një anije luftarake franceze, por nuk arritën kurrë. Profesori, Renaud Morieux, i cili zbuloi letrat, tha se ato kishin të bënin me "përvojat universale njerëzore". Morieux, zbuloi koleksionin e 104 letrave nga Arkivi Kombëtar në Kew, dhe tha se ishte "goditëse sa afër arritën" për të arritur te marrësit e tyre të synuar në bordin e Galatee, shkruan BBC, transmeton Klankosova.tv. Administrata postare franceze i çoi ato në porte të shumta në Francë për të tentuar në dërgimin e tyre në destinacionin përkatës, por dështuan. Pasi mësuan se anija ishte në duart e britanikëve, autoritetet franceze i dërguan letrat në Angli, ku ato iu dorëzuan marinës dhe përfunduan në ruajtje. Prof Morieux tha se ai kërkoi vetëm të shikonte kutinë në arkiva "nga kurioziteti" përpara se t'i zbulonte ato. "E kuptova se isha personi i parë që lexova këto mesazhe shumë personale që kur u shkruan," tha ai. Prof Morieux identifikoi çdo anëtar të ekuipazhit prej 181 personash të Galatee, me letra drejtuar një të katërtës së tyre - ai gjithashtu kreu kërkime gjenealogjike për burrat dhe korrespondentët e tyre. Letrat përfshijnë mesazhet e grave drejtuar burrave të tyre që gjendeshin në frontet e luftës. Lufta Shtatëvjeçare ishte një betejë kryesisht mes Britanisë dhe Francës për kontrollin e Amerikës së Veriut dhe Indisë. Ajo përfundoi me Traktatin e Parisit, i cili i dha Mbretërisë së Bashkuar përfitime të konsiderueshme.