Letra e ushtarit amerikan dërguar nënës së tij gjatë Luftës së Dytë Botërore mbërrin në shtëpi pas 76 viteve

Një letër e dërguar nga një ushtar amerikan i stacionuar në Gjermani për nënën e tij në Massachusetts është dorëzuar 76 vjet pasi u dërgua. John Gonsalves, 22 vjeç në atë kohë, i shkroi nënës së tij në Woburn në dhjetor të vitit 1945, pas përfundimit të Luftës së Dytë Botërore. Letra qëndroi e pahapur për më shumë se 75 vjet para se të gjendej në një objekt të shpërndarjes së Shërbimit Postar të SHBA-së në Pittsburgh. “E dashur mami, mora një letër tjetër nga ju sot dhe u lumturova kur dëgjova se gjithçka ishte në rregull”, thuhet në letër. “Sa për veten time, jam mirë dhe kaloj mirë. Por për sa i përket ushqimit është shumë i keq shumicën e kohës”, thuhej tutje. “Dashuri dhe puthje, djali juaj Johnny. Do të shihemi së shpejti, shpresoj”. Gonsalves vdiq në vitin 2015. Edhe nëna e tij ka vdekur. Por USPS gjeti një adresë për ish-gruan e tij, Angelinan, të cilën ushtari e takoi pesë vjet pasi dërgoi letrën, raporton Guardian, transmeton Klankosova.tv. Krahas letrës të para disa dekadave, punonjësit e postës dërguan edhe një letër të tyren, duke thënë se dorëzimi i kësaj letre ishte me rëndësi të madhe për ta. Pasi familja Gonsalves mori letrën, ata thirrën punonjësit dhe i falënderuan. “Imagjinoni këtë! Shtatëdhjetë e gjashtë vjet!”, tha Angelina Gonsalves. “Thjesht nuk mund ta besoja. Dhe pastaj vetëm shkrimi i tij dhe gjithçka. Ishte thjesht kaq e mahnitshme.” "Është sikur ai u kthye tek unë", u shpreh 89 vjeçarja.