Lesi: SPAK nuk do të ndalet te Mediu, do ketë arrestime të bujshme

Nikoll Lesi mendon se SPAK nuk do të ndalojë me marrjen të pandehur vetëm të Fatmir Mediut. Sipas tij, do të ketë arrestime të bujshme.

“Burime të rezervuara nga drejtësia tregojnë se pas marrjes të pandehur te ish-ministrit të Mbrojtjes Fatmir Mediu, SPAK-u do ta zgjerojë edhe me shumë rrethin e të pandehurve.  Mësohet se Mediu do të jetë “peshk i vogël” në krahasim me ato që do merren të pandehur. Në SPAK janë edhe disa dosje për drejtues të opozitës.

SPAK ka nisur me opozitën këtë vit, por burimet në fjalë thonë se një anëtar qeverie dhe një drejtues i lartë në administratën shtetrore janë nën hetim, ku fjala finale do të jetë arrestimi.

Themelet e forta të SPAK-ut u krijuan nga Arben Kraja, kurse me Altin Dumanin do të kemi mure të larta për ata që do të arrestohen nga pjesa VIP e politikës”, shkruan Lesi në gazetën e tij “Koha Jonë”, përcjell Klankosova.tv.