Lëshohet masa e ndalimit për dy gratë që dyshohen për abortim të paligjshëm

Zëdhënësja e Prokurorisë Themelore në Prishtinë, Laureta Ulaj, ka thënë se është lëshuar aktvendim për ndalimin e dy grave që janë të dyshuara për abortim të jashtëligjshëm të një gruaje nga Podujeva. Ajo, për Klankosova.tv, ka theksuar se ato akuzohen për dy vepra penale "Vrasja e foshnjës gjatë lindjes” dhe “Ndihma në vrasjen e foshnjës gjatë lindjes”. “Ju njoftojmë se Prokurori i Shtetit ka lëshuar aktvendim mbi ndalimin e dy personave (të gjinisë femërore), për shkak të dyshimit se të njëjtat kanë kryer veprat penale “Vrasja e foshnjës gjatë lindjes” dhe “Ndihma në vrasjen e foshnjës gjatë lindjes”, sipas KPRK-së", ka thënë Ulaj. /Klankosova.tv https://klankosova.tv/abortoi-ne-menyre-te-paligjshme-ne-qkuk-policia-arreston-dy-gra/