Lajmet e fundit
Një tërmet i fuqishëm është ndjerë gjerësisht në Kaliforninë Veriore të enjten, duke shkaktuar alarm për një cunami të mundshëm në disa zona bregdetare.
Sipas Shërbimit Gjeologjik të SHBA-së, tërmeti ndodhi në orën 10:44 paradite, pranë qytetit Ferndale, në qarkun bregdetar Humboldt, afër kufirit me Oregonin, transmeton klankosova.tv.
Dridhjet thuhet se u ndjenë deri në San Francisko, ku banorët raportuan lëkundje të zgjatura për disa sekonda, të pasuara nga pasgoditje më të vogla.
Shërbimi Kombëtar i Motit u bëri thirrje banorëve të zonave bregdetare, përfshirë Gjirin e San Franciskos, të zhvendosen në brendësi për shkak të rrezikut të një cunami të mundshëm.
Valët mund të arrijnë bregun e San Franciskos rreth orës 12:10 pasdite.
