Java e fundit dhe vendimtare sa i përket renditjes finale të këtij sezoni të rregullt në NBA nis mëngjesin e kësaj të marte e vazhdon deri të dielen me disa super përballje që vijnë ekskluzivisht në kanalet e Art Sport.
04:00 NEW YORK KNICKS – LA LAKERS ART SPORT 1
Pas fitores befasues të San Antonios ndaj Milwaukeet tashmë radhën për të dhuruar shfaqje e kanë dy skuadrat më të vlefshme sa i përket vlerës monetare në ligë, Knicks dhe Lakers. Kjo ndeshje luhet të mërkurën me fillim nga ora 04:00 e mëngjesit dhe transmetohet drejtpërdrejt në Art Sport 1.
Lakers aktualisht janë të shtatët në renditjen e perëndimit teksa po hasin vështirësi që të arrijnë fazën e playoffit dhe nëse nuk arrijnë sukses këtu me gjasë do të duhet të paraqiten fillimisht në play-in. Nga ana tjetër, Knicks qetësisht po e mbajnë pozitën e katërt të lindjes duke mos pasur shumë problem dhe me një fitore këtu edhe mund ta sigurojnë matematikisht playoffin.
292 janë duelet e sezonit të rregullt mes këtyre skuadrave nga të cilat rekord më të mirë kanë Lakers me 169 fitore krahas 123 të Knicks. Këto dy klube janë përballur më parë me njëra-tjetrën 5 herë në finalet e NBA e edhe aty Lakers janë më mirë me 4 suksese teksa një herë kanë fituar “nju-jorkezët”
Knicks, 5-shja e mundshme startuese:
Rose, Barret, Bullock, Randle, Noel
Lakers, 5-shja e mundshme startuese:
Caruso, Matthews, James, Davis, Drummond
●●●
SZSHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
