LDK: Strategjia për energji u bë për t’i mbuluar dështimet

Kryetari i Degës së Lidhjes Demokratike të Kosovës në Ferizaj, Visar Azemi, në një konferencë për media ka thënë se Lëvizja Vetëvendosje e ka kaluar me shpejtës Strategjinë për Energjinë. Azemi tha se kjo u bë për ta mbuluar dështimin e qeverisë. Ai theksoi se si pasojë e mungesës së një strategjie të mirëfilltë, shpesh herë ka pasur rritje të çmimit të energjisë. “Kosova të gjitha krizat energjetike gjatë dy viteve të fundit, është futur pa pas strategji të mirëfilltë dhe pa pas ide sesi t’i menaxhojë ato kriza, e të cilat shpesh herë rezultuan edhe me rritje të çmimeve të energjisë elektrike. Dje kaloi me urgjencë në Kuvend dhe këtë po e shohim qartazi se është bërë për të mbuluar dështimin e këtij dokumenti strategjik dhe ballafaqimi me problemin kryesor të sektorit të energjisë, atë të konsumit të energjisë që përdoret për ngrohje gjatë muajve të dimrit, pra ky është problemi që shkakton në sektorin energjetik”, Azemi. Gjatë së mërkurës, deputetët e miratuan Strategjinë e Energjisë 2022-2031/ Klankosova.tv Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.