Lanika Rexhepi e bronztë në Ligën e të Rinjve në Kroaci

Karateistja nga Kosova, Lanika Rexhepi, ka shkëlqyer në Ligën e të Rinjve të mbajtur në Poreç të Kroacisë, duke fituar medaljen e bronztë në kategorinë kadete, +61 kg. Sipas njoftimit të Komitetit Olimpik të Kosovës, ajo arriti të ngjitet në podium pas pesë fitoreve të njëpasnjëshme, duke treguar nivel të lartë në një prej garave më prestigjioze të WKF-së, transmeton Klankosova.tv . Suksese të rëndësishme në këtë garë shënuan edhe dy sportiste të tjera kosovare. Danina Rexhepi, në grupmoshën U-14 (+52 kg), shënoi katër fitore dhe e përfundoi garën në vendin e pestë. Ndërkohë, Diellza Mahalla përfundoi e shtata në grupmoshën U-21, me dy fitore të rëndësishme në këtë konkurrencë të fortë./Klankosova.tv.