Kampionët në fuqi të NBA hodhën menjëherë pas krahëve disfatën ndaj San Antonio Spurs duke u rikthyer te fitorja në ndeshjen e radhës shtëpiake ndaj Chicago Bulls. Në Staples Center Lakers triumfuan me rezultatin e ngushtë 117-115 në një ndeshje ku mungesën e Anthony Davis e zëvendësoi i vetëm LeBron James me mbretin që koleksionoi në total 28 pikë 7 rebound dhe 7 asiste duke i udhëhequr kalifornianët drej fitores së 7-të në 10 takime. Chicagos në krahun tjetër nuk i mjaftuan 38 pikët e Zac LaVine. Një fitore të madhe ndërkohë regjistroi Golden State Warriors që në San Francisco mposhti me rezultatin 115-105 Los Angeles Clippers.
Stephen Curry ishte thjeshtë fenomenal edhe në këtë sfidë me 38 pikë 2 rebound dhe 11 pasime deçizive. Surprizon Milwaukee Bucks që u mposht brenda në Winconsin nga Utah Jazz me rezultatin 118-131. 35 pikët e grekut Giannis Antetokounmpo nuk i mjaftuan skuadrës së trajnerit Mike Budenholzer. Dhuroi spektakël edhe Toronto Raptors në transfertën ndaj Sacramento Kings të cilën e fitoi me rezultatin e thellë 144-123. Për të rikthyer skuadrën kanadeze te fitorja pas tre humbjesh rresht mendoi VanVleet që shënoi 34 pikë./supersport.al/
●●●
LGSHKRIMI NGA
L. Ga.
Editorial nga Klan Kosova — ndjek sport dhe zhvillimet e tjera kryesore të vendit.
