Lajçak thotë se me Vuçiqin biseduan për zbatimin e Marrëveshjes së Ohrit

Emisari special i Bashkimit Evropian për dialogun Kosovë-Serbi, Miroslav Lajçak, është takuar me presidentin e Serbisë, Aleksandar Vuçiq, në kuadër të Asamblesë së Përgjithshme të Kombeve të Bashkuara në New York. Ai njoftoi se gjatë këtij takimi diskutuan për zhvillimet e fundit në procesin e dialogut. Lajçak theksoi nevojën për ri-angazhim dhe zbatimin e Marrëveshjes Bazë, konkretisht aneksin e Ohrit. "Sot në mëngjes fola me presidentin Vuçiq në margjinat e Asamblesë së Përgjithshme të OKB-së. Diskutuam në detaje për ngjarjet e fundit në dialog dhe nevojën për ri-angazhim dhe zbatimin e Ohrit edhe në dritën e Planit të Rritjes për rajonin”, shkroi Lajçak në X.

This morning I spoke to @predsednikrs @avucic on the sidelines of #UNGA. We discussed in detail about the latest events in the Dialogue and the need for re-commitment and implementation of Ohrid also in light of the ?? Growth Plan for the region. pic.twitter.com/YjFoCnlCmA

— Miroslav Lajčák (@MiroslavLajcak) September 25, 2024