Ky është rrethi i ngushtë i Naomi Campbell, që mbanin sekret shtatzëninë e saj

Naomi Campbell befasoi fansat e saj në fillim të kësaj jave duke zbuluar se është bërë nënë në moshën 50 vjeçare. Disa miq të famshëm të saj kanë bërë të ditur se tashmë janë takuar me të dhe foshnjën. Ikona e modës gjatë ditës së djeshme publikoi një foto ku shfaqeshin këmbët e vajzës së saj të posalindur, shkruan Mirror, transmeton Klan Kosova. Ndërsa përmes komenteve në fotografi, disa miq të saj të famshëm kanë treguar se ata ishin në dijeni për shtatzaninë e modeles. Ndër ta është edhe stilisti i njohur, Marc Jabobs, i cili e uroi atë me fjalë të bukura. ''Sa me fat është ajo dhe ti! Do të jesh nënë e mrekullueshme'', shkroi dizajneri. Në pjesën tjetër të komenteve, ishte edhe një mesazh nga Edëard Enninful i Vogue, i cili zbuloi se ai tashmë e kishte parë nënën dhe foshnjën. Të tjerë të famshëm që e kanë uruar Naomin kanë qenë edhe  Donatella Versace, Sophie Turner, Kim Kardashian dhe Jodi Turner-Smith.