Ky është 74-vjeçari që vdiq pasi u godit nga vetura në Skenderaj

Miftar Lushtaku raportohet se është 74-vjeçari që mbeti i vdekur si pasojë e përplasjes nga një veturë mbrëmjen e sotme në Skenderaj. Mediat lokale kanë raportuar se i ndjeri kishte punuar më parë si profesor, transmeton Klankosova.tv. “Me dhimbje të madhe mora lajmin për ndarjen tragjike nga jeta të ish-profesorit , Miftar Lushtaku. Një njeri i urtë, i përkushtuar dhe një mësues që la gjurmë të thella tek të gjithë ne. Humbja e tij është e rëndë për familjen, miqtë dhe për të gjithë ata që patën fatin ta njohin. Ngushëllimet më të sinqerta familjes dhe të afërmve. U prehtë në paqe”, thuhet ndër të tjera në postimin e një qytetari. Rastin e rëndë për redaksinë e kanë konfirmuar edhe nga Policia e Kosovës. https://klankosova.tv/aksidenti-ne-skenderaj-vdes-kembesori-74-vjecar11/