Ky biznesmen ka një mënyrë të veçantë të intervistimit të kandidatëve për punë

Kompania “Charles Schwab”, dëshiron ta dijë se çfarë personi je para se të të marrë në punë. Mirëpo, mënyra se kjo kompani e zbulon personalitetin e atyre që kërkojnë punësim, është shumë jo konvencionale. Në një intervistë që së fundmi ai ka dhënë për gazetën New York Times, drejtori ekzekutiv Walt Bettinger thotë se para se të punësojë dikë, kujdeset shumë që ta njohë karakterin e kandidatit që po e merr në ponë. “Unë u bëj pyetje, u kërkoj ndoshta të më tregojnë se cilin e mendojnë ata si suksesin më të madh në jetën e tyre dhe dëshiroj t’ua di qëndrimin, nëse ata mendojnë se bota sillet rreth të tjerëve ose rreth tyre. Më pas dua të di edhe cilat janë dështimet më të mëdha që i kanë pasur në jetë, dhe nëse ishte faji i tyre apo i dikujt tjetër”. Mirëpo, gjesti aspak i zakonshëm që ai bën, ka të bëjë me krejt diçka tjetër. Bettinger thotë se i fton kandidatët për punë që të hanë mëngjes, dhe me të arritur në restorant, ai kërkon nga menaxheri i vendit që t’ua përziejë porozit. “Dua që t’i ngatërroni porositë e ushqimeve me personat që janë me mua, dhe do u jap bakshish të mirë. Vetëm ngatërrojini gjërat”, u thotë ai. “E bëj këtë sepse dua të ti se si përgjigjen ata njerëz. Kjo më ndihmon ta kuptoj se si ata përballen me fatkeqësinë. A zemërohen, a frustrohen apo a tregohen të kuptueshëm. Jeta është e tillë edhe biznesi është i tillë”, thotë ai, shkruan Independent, transmeton Klan Kosova.