Kush mund ta organizojë takimin mes Anglisë, Rusisë, Ukrainës, SHBA-së dhe vendeve të BE-së?

Presidenti ukrainas, Volodymyr Zelensky ka thënë se Kievi dhe aleatët e tij po shqyrtojnë organizimin e një takimi të nivelit të lartë midis Ukrainës, Rusisë, SHBA-së, vendeve të BE-së dhe Mbretërisë së Bashkuar, si pjesë e një përpjekjeje për t'i dhënë fund luftës së Moskës në Ukrainë. Udhëheqësi ukrainas tha se takimi mund të organizohet nga Turqia, Vatikani ose Zvicra, raporton Sky News, transmeton Klankosova.tv. Presidenti ukrainas tha se gjatë telefonatës së tij të parë me Trumpin ai nënvizoi nevojën për armëpushim, por edhe sanksione ndaj Rusisë. Sipas Zelenskyt, Trumpi ka theksuar edhe rëndësinë që aleatët e Kievit të mos arrijnë marrëveshje me Rusinë pa Ukrainën. "Jam shumë i përqendruar, është një kohë sfiduese për ne tani", është shprehur tutje presidenti ukrainas. Zelensky tha se priste që Evropa të njoftonte një paketë të re sanksionesh ndaj Rusisë, megjithëse në lidhje me këtë nuk dha ndonjë detaj.