Kush është trajneri i Kosovës Primozh Gliha?

Primozh Gliha, është trajner i kombëtarës së Kosovës. Ai do ta pasojë Alain Giressin, në këtë pozitë i cili u shkarkua pas humbjes nga Bjellorusia. Vendimi u mor nga Komiteti Ekzekutiv i Federatës së Futbollit të Kosovës. Por, kush është slloveni Primozh Gliha? Tani 55-vjeçari, nuk është emër i panjohur për Kosovën. Ai i kishte drejtuar "Dardanët" në vitin 2021, në dy ndeshje. Primozh Gliha, ishte caktuar si trajner i përkohshëm në vend të Bernard Challades. Në miqësoren ndaj Jordanisë, ku Kosova humbi me rezultat 2:0 kurse ndaj Greqisë në kualifikimet për Kampionatin Botëror "Qatar 2022", barazoi me rezultat 1:1. Gliha ka drejtuar disa skuadra në Slloveni si: Olimpija Ljubjana, Mura, Koper. Derisa në periudhën 2015-2020 ka qenë në krye të pankinës së Sllovenisë U21. Ai po ashtu ka pasur një karrierë edhe si futbollist. Slloveni gjithashtu kishte deklaruar se ka jetuar në Kosovë, ku e kishte kryer edhe ushtrinë. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS https://klankosova.tv/primozh-gliha-ne-krye-te-shtabit-teknik-te-kombetares-se-kosoves/