Lajmet e fundit
Gëzim Pollozhani, ishte zgjedhur "Polic i Vitit" vitin e kaluar në Teksas të Shteteve të Bashkuara të Amerikës.
Ai dhe vajza e tij ishin figurat kryesore të ceremonisë së hapjes së lojërave të bejsbollit, për nder të kujtimit të 11 shtatorit.
Ata patën rastin që ta takojnë edhe ish-presidentin e ShBA-ve George W. Bush.
Pollozhani në një intervistë për Klan Kosova ka folur për momentin e veçantë kur Bush e kuptoi se ata ishin shqiptar.
"Po, si kisha treguar që jemi shqiptar por ia ka dhënë dorën vajzës, është edhe një foto që kur ia ka dhënë dorën ajo e ka vendosur dorën në zemër. Besoj që presidenti e ka kuptuar që jemi shqiptarë. Sepse ne kur e përshëndesim njeriun me gjithë zemër ia japim dorën" - tha Pollozhani.
"Ishte shumë e rëndësishme për ne. Ishte krenari në ato momente të ishim me presidentin dhe të flasim me presidentin. Këtë s'do ta harrojë kurrë në jetën time "- theksoi ai.
Ndiqeni intervistën e gazetarit Florent Zeqaj:
