Kusari (BERZh): Sot kompanitë vendore janë shumë më të strukturuara (VIDEO)

Leonora Kusari nga Banka Evropiane për Rindërtim dhe Zhvillim ka thënë se sot kompanitë vendore janë shumë më të strukturuara nëse krahasohen me ato që ishin 15 vjet më parë. Në emisionin Rubikon në Klan Kosova, ajo ka theksuar se për ndërmarrësit e rinj mjafton që të nisin me zëvendësimin e mallrave që importohen nga vendet e tjera. “Këtu tregu është i pazhvilluar dhe ka shumë mundësi. Unë gjithmonë këtë iu them edhe ndërmarrësve të rinj për t’i motivuar”. “Këtu ende importi është jashtëzakonisht i lartë dhe sot mund të bësh zëvendësime të importit. Mjafton veç të fillosh dhe të mendosh për një ide dhe të shohësh se si i merr statistikat”. “Sot ka edhe mekanizma që i ndihmojnë një ndërmarrësi të ri, duke filluar prej biznes planit. Ka edhe mentor sot që para 20 vjetëve nuk i kemi pasur që i ndihmojnë ndërmarrësit e rinj të ecin përpara”. Kusari shtroi nevojën që të rinjtë të ftohen dhe t’i shohin praktikisht modelet e kompanive dhe jo vetëm t’i dëgjojnë si tregime suksesi. https://www.youtube.com/watch?v=hwsaB9YO7Ho

klankosova.tv