Kurtit s’i bëhet vonë pse 1 muaj s’pati stenta, nuk i përgjigjet Klanit në përurimin e Kardiologjisë

Sot u bë përurimi i Klinikës së Kardiologjisë në QKUK, një ngjarje në të cilën morën pjesë kryeministri i Kosovës, Albin Kurti, dhe ministri i Shëndetësisë, Arben Vitia. Gazetarja e Klan Kosovës, Arbreshë Uka, e cila ndoqi ngjarjen nga afër, ia kujtoi Kurtit një problem të rëndësishëm që ka prekur klinikën gjatë muajve të fundit, mungesën e stentave. Ajo i tërhoqi vëmendjen kryeministrit se për rreth një muaj, stentat nuk ishin të disponueshme për trajtimin e pacientëve, një çështje për të cilën ka raportuar disa herë. Megjithatë, ndërsa gazetarja e ngriti këtë çështje, shefi i qeverisë nuk iu përgjigj. “Sot ia rikujtova kryeministrit Albin Kurti që kanë munguar stentat për një muaj, meqë ngjarja e ‘suksesit’ u zhvillua në Klinikën e Kardiologjisë në QKUK”, u shpreh gazetarja. Gjatë muajit mars, gazetarja Uka raportoi për mungesën e stentave në këtë Klinikë, ndërsa edhe gjatë prillit kur QKUK-ja nisi të stabilizohej sa i përket furnizimit. https://www.youtube.com/watch?v=ehhLl6JgWe4