Lajmet e fundit
Kryeministri në detyrë, Albin Kurti, ka uruar ekipin shqiptar me në krye Visar Morinën që fituan çmimin kryesor në Sundance Film Festival.
Filmi “Shame and Money”, nën regjinë e Morinës, sot mori Çmimin e Madh të Jurisë, për çka Kurti rezervoi fjalë të mira.
“Ky vit nisi edhe më mirë se mbarë për kinematografinë tonë. Filmi ‘Shame and Money’ (Shabani dhe Hatixhja) i regjisorit Visar Morina ka fituar Çmimin e madh të Jurisë, Seksioni Ndërkombëtar-Dramë (World Cinema Grand Jury Prize: Dramatic) në Sundance Film Festival”, ka shkruar Kurti në Facebook.
“Ky është çmimi më prestigjioz për filmat ndërkombëtarë në festivalin më të njohur në botë për kinemanë e pavarur”.
“Filmat ‘Babai’ dhe ‘Exil’ të Visar Morinës i kam parë. Mezi pres ta shoh edhe këtë të tretin. Urimet më të përzemërta ekipit realizues!" ka vijuar ai.
