Kryeministri i Kosovës Albin Kurti, ka deklaruar se hetimet rreth shpërthimit në kanalin e Ibër Lepencit po vazhdojnë.
Kurti deklaroi se së shpejti do të zbulohen edhe detaje tjera lidhur me rastin.
Ai bëri të ditur se në aksionin e policisë për kapjen e të dyshuarve pos që është gjetur arsenal i armëve dhe eksplozivëve janë gjetur edhe shenja ushtarake që shumica prej tyre i përkisnin Forcave të Armatosura Serbe dhe Ruse, si Forcat Ajrore Ruse (VDV).
"Lidhjet e personave të arrestuar me organizatën terroriste "Mbrojtja Civile" e sponsorizuar nga Beogradi tregojnë praninë e aktorëve të huaj", tha Kurti.
"Natyrisht, ngjarjet terroriste nuk ndodhin në vakum. Në këtë kontekst, inkursioni paraushtarak i Serbisë vitin e kaluar dhe sponsorizimi i vazhdueshëm i krimit përmes metodave të ndryshme në veri të Kosovës lë pak hapësirë për spekulime. Megjithatë, hetimi është në vazhdim, dhe detaje të mëtejshme – së bashku me numrin e palëve të huaja të përfshira – do të zbulohen", theksoi ai.
E lidhur me sulmin e së premtes në fshatin Varagë, detaje ka dhënë sot Prokuroria Speciale e Kosovës.
PSRK njoftoi se deri më tani 10 persona janë arrestuar.
https://klankosova.tv/sulmi-ne-iber-lepenc-shkon-ne-10-numri-i-te-arrestuarve/
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
