Kurti: Produktet bazë do të kenë tavan së shpejti – do frenojmë abuzimin me çmime

Kryeministri Albin Kurti është zotuar se kabineti i tij qeveritar do ta risjellë ligjin për çmimin tavan. Sipas tij, me këtë ligj do të frenohet abuzimi me çmime, transmeton Klankosova.tv. “Është e vërtetë që ka pasur rritje të çmimeve të produkteve bazë, por ato do të kenë tavan së shpejti. Ne e kemi propozuar ligjin për çmimin tavan për produkte bazë, i cili më pas është rrëzuar. Ne do ta risjellim ligjin me çmimin tavan për produktet bazë dhe në këtë mënyrë do ta frenojmë abuzimin me çmime. Ne nuk jemi kundër fitimit të korporatave, por jemi kundër superprofitit në kurriz të qytetarëve”, tha Kurti.